旺角 – 重生?

上星期區議會在大比數通過「殺街」，要求政府研究終止開放旺角西洋菜街行人專用區，唔會再有大媽週末狂熱，唔會再有大喇叭，亦唔會再有呀叔拋陶瓷大花盆。幾個月之後正式重新開放週末及假日行車，會唔會又引申出其他問題，又或者，會唔會變成另一種活動萌生於此地?

當年運輸署開設行人專用區，主要係希望有助減低汽車帶黎嘅嘈音同廢氣污染。先唔好講會唔會有車聚喺呢個位置搞，週末如果貨車不斷，嘈音可能無大媽歌聲咁大，但廢氣就會再次帶返西洋菜街。或者有行經登打士街同花園街，都可能曾經試過比各式各樣嘅車以跑Drag嘅速度經過而嚇過，更加唔洗提改喉車高轉衝到街尾出彌敦道。意外，會唔會因為「殺街」而增加?唔比用喇叭又會唔會係一個辦法?發牌又會唔會Work?個人認為，旺角殺街，只會令佢地「大遷徙」，下一站，銅鑼灣。

嘈音同廢氣，如果你住旺角西洋菜街，你又會點揀?