Grand Touring Racing 就係戰神定義

日本戰神GT-R一直都係好多人心目中最鍾情嘅車款，無論外型定係性能方面都做到一絲不苟，就算係舊款嘅KPGC10都一樣有唔少後生一輩所愛，只係無奈地價值不菲，有機會可以見到已經好難得。而佢可以係眾多車型之中被稱之為神，係有原因嘅。

經過幾代進化，GT-R參賽無數，但偏偏實力太強，贏到比賽，但輸比賽例。1990年，剛剛生產左1年嘅R32係日本國內包攬A組和N組賽事冠軍，而另一個本土賽事JTCC中更創下29戰29勝嘅記錄。可惜1994年，FIA解釋因為GT-R實力太強橫直接取消A組賽事，澳洲房車賽組委會更直接拒絕GT-R參賽。去到近年，除左日本車手織戶學係2010年力壓所有Evo奪得澳門路車挑戰賽，已故香港車手丘永材憑著900匹GT-R35由尾位追到第一，同時又再次因為實力太強，第二年GT-R35被調去GT組別。就算每次比賽都比人打壓，不過係車迷心目中依然係最無可取代。

2020年係咪真係會「直出」Nissan Concept Vision Gran Turismo依然係未知之數，R35雖然已經一早脫離左Skyline行列，不過希望可以繼續保留「高級」(Grand)」、「房車(Touring)」、「競賽(Racing)」集於一身嘅宗旨，令戰神本質得以長存。