講錢傷感情 唔講唔代表無責任

最近有朋友同我講起想去學賽車，本身覺得一萬幾千無問題，但話聽到要比押金就即刻縮沙，覺得點解已經比低左錢，仲要拎多幾皮野出黎。令小編諗返起之前朋友被借車嘅故事。

話說以前後生啲嘅時候朋友都會中意揸跑車，而當時有一位就係揸緊Type R。除左朋友成日都叫出黎遊車河，同時亦都無啦啦多左好多「好耐無見」嘅朋友走出黎，開頭問下佢兩三句幾近咩境況，之後就開始進入主題 - 借車揸。問題重點係，問借車嘅人唔係無車，但可能只係得架七人車或者普通私家車。而見到朋友有部跑車喎，緊係覺得要借黎揸下，之後就當自己好似玩緊寵物小精靈咁儲圖鑑，即係揸過嘅車都當自己買過。

而由於借車個位朋友已經同揸Type R嘅朋友好多年無見面同接觸，所以佢講笑話擺低幾皮野就借比佢啦，但呢句說話之後佢就無再回覆過。隔左幾日，有人cap左group chat圖比我朋友睇，無啦啦比人話:「揸架跑車就扮哂大支野，問佢借黎揸下就收我錢?佢無_野呀嘛?」自此之後，兩個人當然無再見面啦，同時亦都無聲絕交左。

想講嘅係，無論係借啲咩，想問你收返錢可能都只係象徵式，例如有人借小編車，我多數會話入返油就算數。如果借相機鏡頭我多數都會係斷日計，咁首要當然係信得過個個人啦。同時亦都要同個朋友講清楚如果架車有咩問題佢係需要負責。而借個一方亦都要係借用之前明白無論個朋友有無開口叫你小心啲，又或者收唔收錢，你都要自己負返個責任。如果好似去賽車要你比低押金，其實就等同你去旅行租車都要先係你信用卡扣除一定款項，到還車個時退返比你。責任呢樣野，唔洗等你到18歲先有。