J-Rod 場外紅過場內

自從「伯樂」安察洛堤離開皇家馬德里後，無論係賓尼迪斯定新上任的施丹執教下，哥倫比亞球星占士洛迪古斯（James Rodriguez）都被打入「冷宮」，直至最近「大聖爺」加利夫巴爾受傷，J-Rod 先至多番 D 上陣的機會。雖然係球場上未受重用，不過占士洛迪古斯係球場外就有唔少機會，例如盛傳佢將接替唔再同 EA Sports 續約的「球王」美斯，為足球遊戲《FIFA 17》擔任遊戲封面人選。

此外，BOSS 香水亦剛宣布占士洛迪古斯正式成為 BOSS BOTTLED 全新香氛廣告的獨家南美及亞太區代言人，廣告將於四月推出。兩年一次的 BOSS 香氛系列足球廣告系列，靈感來自 BOSS 男士追求目標的鬥志和野心，廣告系列踏入第四季，以「成功需苦幹」（唔係「父幹」!）作主題。除了占士洛迪古斯外，品牌同時邀請到卡巴耶同雲佩斯分別作香氛的法國與荷蘭代言人；至於「史獨」史杜列治、曉姆斯同伊斯高則作為香氛廣告的全球代言人，絕對係星光熠熠的「強陣」。