即影即有新境界

人做「白武士」，佢做「白武士」，亞視個「白武士」就用「紅衫魚」當「金牛」……呢邊廂，當年出手拯救 Polaroid 旗下生產線嘅 The Impossible Project 就似樣好多喇!嚟緊 The Impossible Project 就會推出一部自家開發的新相機 I-1，將會成為市場上唯一一部支援原來 Polaroid 相紙的全新即影即有相機。

雖然 I-1 keep住個復古外型，但就加入了不少新功能及按扭，包括曝光轉盤、快門鈕、焦點選擇器、LED 環型閃光燈、光學觀景器等，並備有自動對焦功能。有別於 Polaroid 以每包相紙內藏嘅電池提供動力，I-1則配備可通過 USB接口叉電的內置電池，I-1 同時可用 Impossible Project 自家 600 系列相紙或Polaroid 已停產的 600 相紙拍攝。與此同時，I-1 支援藍牙連接，用家可以利用手機程式將 I-1 接駁手機，控制相機的光圈、快門和閃光燈功能。無論係相片質素同操控性上，都將即影即有帶到去一個全新的境界。

I-1相機將於 5月 10日起在美國開售，每部售價為 USD299。