Samsung「撈埋」電單車擋風玻璃

「三叔」Samsung 的手機、電視等產品大家都好熟喇，不過唔好唔記得佢重係全球其中一個最大型的屏幕生產商。有見及此，Samsung 亦打算「撈過界」生產埋電單車擋風玻璃。日前品牌推出一條短片公佈旗下概念性的 Smart Windshield 「智能擋風玻璃」，將手機連接後，就可以將手機的資訊，包括來電、短訊、電郵同 WhatsApp 顯示於擋風玻璃上。如果你拒絕接聽來電，系統更會代你回覆一個「我現在駕駛中，唔得閒聽你電話!」之短訊。Samsung 係短片中一再強調 Smart Windshield 係為了提高駕駛安全而推出，但老老實實，咁多資訊係擋風玻璃上面彈出嚟，係咪會重令駕駛者分心呢？雖然宣傳短片上標明 “Smart Windshield is a concept and not a product for sale.” 但預料產品推出市場亦係遲早的事。