女神雲集的一次

之前行落地鐵月台見到 dermes 脫毛廣告入面一班「白白淨、滑雪雪」嘅女神，眼睛真係飽吃冰淇淋，清新舒暢到不行! 當時小編重心諗：都應該無乜廣告夠佢多「女」……「神」喇卦，點知話口未完，今日就有呢個 GIVENCHY Beauty 嘅 campaign 見街 — 重一口氣揾齊鄭秀文、林嘉欣、陳法拉、周秀娜、苟芸慧、陳瀅、張曦雯和歐鎧淳八位不同年齡，又各具個性、定位嘅「女神」，以配合唇妝嘅全黑冷艷性感造型登場，大玩透視或「中門大開」，養眼度極高!!!

老老實實，係美感同新鮮感上今次 GIVENCHY Beauty 嘅造型照絕對技勝 dermes 一籌，原來關個「班底」事 — 輯相由 AllRightsReserved 擔任創意指導，與創意顧問Sean Kunjambu、星級化妝師 Zing、日籍創意髮型造型師 Ryoji Imaizumi 以及本地攝影師 Rex Tsui 呢個「黃金組合」聯手打造。呢個組合係之前 PlayStation VR 「VRの最高潮」宣傳企劃入面就將一班藝人、名人同 KOL 化身成不同遊戲動漫經典角色，不過今次加入埋阿 Zing，就更加畫龍點睛。