Q50 大戰「豬對手」
平時成日話「不怕神一般的對手，最怕豬一樣的隊友」，不過今次 Infiniti Q50 就遇上相當棘手嘅「豬對手」!
是咁的，Nissan 日產邀請咗住係南非嘅動物界著名畫家 Pigcasso 揮毫畫咗幅抽象派大作，然後抽取當中部份線條整咗一條賽道，再由效力日產屬下 Nismo 車隊嘅德國賽車手 Michael Krumm (佢前妻係日本網球名將伊達公子) 駕駛 Infiniti Q50 (即日本本土嘅日產 Skyline) 嘗試征服呢條賽道!
睇番條片，如果純粹靠車手嘅技術要征服賽道真係有啲「窄」! 好在今次 Michael Krumm 有「神一般」嘅隊友 — 就係配備 DAS (Direct Adaptive Steering) 線控主動轉向系統嘅 Q50!!! 通過利用多組監測電腦及感應器收集數據及進行分析後發出指令，令架車面對不同路面狀況都可以保持極敏銳嘅轉向反應，最終先成功克服呢條難跑過 Nürburgring 嘅「賽道」!!! 否則小編都擔心輸俾隻豬嘅 Michael Krumm 忍唔住飛去南非找「PIG 加索」悔氣!!!
住係南非，擁有極高藝術天賦嘅「畫家豬」Pigcasso。
日產將 Pigcasso 的抽象大作變成一條難度極高之賽道。
日產將 Pigcasso 的抽象大作變成一條難度極高之賽道。
Q50為 Infiniti 首款配備 DAS 線控主動轉向系統 (Direct Adaptive Steering) 之量產車型。