越捷航空「比堅尼」月曆登場

於短短五年前創立，以比堅尼空姐作宣傳攻勢，成功讓越捷航空 (Vietjet) 一舉成名，成為越南最大廉價航空公司。而最近曝光嘅 2018 年越捷航空月曆，當然亦延續「比堅尼」呢項優良傳統啦!

不過今次亮相月曆拍攝嘅並唔係越捷航空旗下嘅「索空姐」，而係越捷特意「重金禮聘」邀請多位國際知名模特兒參與是次月曆拍攝，其中包括年僅 20 歲、Instagram 有近 95 萬粉絲的美國模特兒 Celine Farach 及「2017 蒂芬妮環球小姐選美大賽」泰國籍亞軍 Kwanlada Rungrojampa (Rock Kwanlada)。此外，「2017 亞洲超級模特兒新秀大賽」越南籍亞軍阮敏秀 (Minh Tu Nguyen) 也是是次月曆模特兒團隊的一大焦點。月曆拍攝以機場、飛機機身和機艙為背景，由比堅尼模特兒化身成機師、技術人員、維修人員、空中服務員、地勤和空管人員等不同崗位，效果非常火辣辣!

你又最鍾意邊個月份呢？