麥當勞玩埋 VR

3 Mar, 2016 By vincentcheung@scmedia.com.hk

[embedyt]https://www.youtube.com/watch?time_continue=16&v=bnYg752URcE[/embedyt]

想當年《經濟學人》(The Economist) 的「巨無霸指數」(Big Mac Index) 利用全球麥當勞的巨無霸售價量度貨幣匯率及物價,其實除了經濟數據,「老麥」亦都絕對可以反映一個地方的「生活質素」。先唔講香港「麥難民問題」呢個社會問題,就一齊睇睇小朋友最愛吃的「開心樂園餐」,係香港叫一個「開心樂園餐」,除咗可以得到同食物餐牌、海報永遠有著極大落差的食物外,就只得一「舊」劣質玩具。
相反係瑞典,麥當勞緊貼科技大潮流,將一個個「開心樂園餐」餐盒打造出可摺合成 Virtual reality 頭戴裝置的 Happy Goggles 設計。小朋友有得「摺紙」夠晒益智之餘,加埋部手機同 app 就可以玩埋麥當勞首個開發的 VR 滑雪遊戲《Slope Wars》。有得食、有得玩 (益智地) 同有得玩(high tech地),真係一次過滿足晒三個願望!
不過呢副 Happy Goggles 其實係要另外購買,每個售價約為 4.10 美元(約32港元),將會係今個同下個週末係瑞典指定麥當勞發售。唔怪得係個 D 乜乜全球生活質素指數、全球最快樂國家調查入面人地永遠排咁前,我地連個「開心樂園餐」都唔夠人地「開心」呀陰公!

Related POSTS