靜電又隔音 – SHURE KSE1500

3 Mar, 2016 By jonwong@email.scmedia.com.hk


SHURE這個品牌,我夾Band的時候就已經用它的咪了,作為主唱的我,一直到覺得它的咪很直接,靚唔靚聲?我自己靚聲就夠啦,最緊要係支咪的還原度夠高,否則支咪幾靚聲都無用。

在此飛開話題講一講,好多年前我訪問某男歌星,叫他帶支私家咪來Shooting,經理人的回答是,他沒有私家咪,從此我就知道,靚聲的歌手,係唔使次次要求用靚咪的,即就咁,如果個場地只可以比到Cheap咪你用,你都咪鬼接個Job啦!

Anyway,要講的,是KSE1500靜電式隔音耳機系統,它是全球第一款靜電式隔音耳機和擴音器系統,採用單個驅動單元的隔音靜電耳機,搭配USB數碼模擬轉換器 (DAC/ADC),可處理來自便攜式數碼設備(MAC、PC、iOS、Android)或模擬音源的音頻。

講咁多,有乜用?即就咁,它能enhance你音樂的細節和清晰度,並備有可自行設定的均衡器功能可隨意微調音色,卻而仍然無損便攜式設備的流動性。


SHURE在KSE1500系統中採用靜電技術,開發出擁有極輕振膜的驅動單元。這種方式可產生最快的瞬態響應,還原最精確的聲音,帶來遠比一般動圈或動鐵驅動單元更寬廣的頻率範圍。結合便攜式DAC擴音器(通過6針LEMO連接),KSE1500可為用家提供目前最高解析度的便攜式音樂質素。該系統的擴音器DSP可通過micro-USB來處理數碼音頻信號,亦可通過線路輸入來處理模擬信號,甚至可以完全略過DSP,從而實現純粹的模擬音頻放大。

成套野,賣港幣$23,380,貴唔貴,見人見志,看你會不會行到邊都要塞住對耳,要聽極致音色,比著我,兩皮幾野買套Cheap cheap地的Hi-Fi系統又得,買支Fender Jazz bass加個Amp,或買支Tenor Saxophone自娛又得,不過我已經有好多支Fender,Tenor Sax又不在My top of the list...現在手頭上又有少少閒錢...umm...我考慮中。

作文:黃董

#兩皮幾做得乜 #去轉日本已經無左 #比較喜歡夾band多過隨街聽音樂 #自我音樂空間,都要有好的音源 #聽Discman都得 #行行下街都有需要聽極致音色咁緊火? #SHURE SM 87A收Vocal #Band房 D咪線要換 #最憎人用我個結他架掛咪線 #我係歌神 #的Fans #黃董好聲音 #喉嚨識震

Related POSTS