舒娃以外的網球壇美女

9 Mar, 2016 By vincentcheung@scmedia.com.hk


舒拉寶娃 (Maria Sharapova) 捲入禁藥風波,隨時面臨最高停賽 4 年的判罰,但佢就堅決提早退役。食禁藥當然唔啱啦! 如果你同小編一樣留意網球比賽係為咗欣賞靚女多過欣賞球賽本身的話,都可能有一段時間見唔到舒娃作賽同佢嘅「獅吼功」。好彩,除咗舒拉寶娃,女子網球壇重有幾位樣靚身材正嘅選手。

伊雲奴域絲 (Ana Ivanovic)
現年 28 歲嘅塞爾維亞網球女將,有人鍾意譯佢個名做「伊雲奴域」,即係同車路士後衛同名,而呢位 Ivanovic 的男朋友確實係足球明星 —「小豬」(唔係羅志祥) 舒韋恩史迪加,呢對體壇情侶經常恩愛現身大放「閃光彈」。曾經係世界網球一姐嘅伊雲奴域絲現時世界排名 18。
www.instagram.com/anaivanovic



寶查 (Eugenie Bouchard)
寶查 BB 有幾索唔駛多講,前年溫網歷史性殺入決賽、世界排名一度打入前5嘅佢亦被視為舒娃的未來接班人。可惜之後受傷患困擾狀態下滑,又試過唔小心係更衣室「跣親」搞到腦震盪被迫退出美國網球公開賽,更連續兩年「甩底」香港網球公開賽,傷盡香港球迷的心。目前世界排名 42 位,好彩佢重後生而家先 22 歲,重有時間急起直追。
www.instagram.com/geniebouchard



禾絲妮雅琪 (Caroline Wozniacki)
人稱「丹麥甜心」嘅佢曾經稱霸女子網壇,不過近年令人最記得佢嘅新聞卻係被婚都訂埋嘅高爾夫球名將 Rory McIlroy 「飛甩」,認真慘豬豬。而唔知係咪情傷未癒,禾絲妮雅琪嘅狀態亦未重回頂峰,現時世界排名 25 位。反而佢幫《Sports Illustrated》影泳衣相的尺度就一年性感過一年,今年連比堅尼都唔著,以人體彩繪泳衣示人。
www.instagram.com/carowozniacki



佐姬 (Camila Giorgi)
目前排名 45 位,舊年係 Topshelf Open 成功贏得了生涯第一座 WTA 冠軍,舒拉寶娃同禾絲妮雅琪都曾經係不同賽事輸過比佢。呢位意大利 90 後球手除左擁有標誌臉孔、甜美笑容外,比賽服裝亦相當與別不同,全部均由佢嘅時裝設計師母親落手落腳運用特別圖案布料製做。唯一略嫌手臂肌肉過份結實,同佢個 sweet 到爆的樣唔係好 match!
www.instagram.com/camila_giorgi_official


Related POSTS