3 Mar, 2016 By [email protected]
你知道甚麼是「煲劇神器」嗎？我不知道，不過有部手機就聲稱自己是煲劇神器，就是樂視的超級手機了。它1月網上首賣共售出12,423部，打破了香港史上單日手機銷量紀錄（聲稱），第2次亦獲萬人登記預購，係咪真係咁多人買呢？先看看規格，過到我那關先講。就以最新的Le 1s為例，它配備5.5 吋 1080p 全高清屏幕、八核心處理器及指紋解鎖等高規格功能，淨機版本只需港幣1,499元更獲加送三個月樂視娛樂內容，去到這裡，我就會話，得三個月咋？往後的日子呢？
Le 1s除了其聲稱的性價比之外，擁有超過15條本地及國外電影、劇集、體育、綜藝、音樂節目頻道，包括Thrill 360驚慄電影台、中超聯賽直播、第四季《紙牌屋》、香港亞洲流行音樂節2016直播等等，睇電視節目不用安坐家中。
其實呢，我對這種流動煲劇是一面很支持，另一面十分反感的，因為隨時有娛樂內容固然好，不過成日流流長，用得那5.5吋 mon煲片，煲久了會導致近視容易加深、頸椎容易有問題、食欲不振（如果你睇恐怖核突內容的話）、精神緊張（如果你在跌市的時候睇股市的話），而最最最重要的，是睇唔到路會比車車親。這不是沒有証據，美國原來每四宗交通意外就係因為用智能手機導致（ 要睇，點呢度: http://goo.gl/HP2FtN ），美國此等落後國家都咁嚴重，你估在香港，會否更厲害呢？各位，用智能手機真係要小心呀！
＃交通安全隊長 ＃打手機不行路 ＃用Smartphone 不打機 ＃頸椎問題過來人 ＃不要告訴我一邊用手機一邊行路好安全 ＃塞埋對耳過馬路添丫笨 ＃性價比高又如何 ＃撞死你無命陪 ＃一向買野唔睇性價比 ＃亞視呢？有無得睇亞視？