11 Mar, 2016 By jonwong@email.scmedia.com.hk
是咁的，我覺得介紹朋友買相機好煩，真係好煩。
朋友A他想買相機，又要平又要影相靚又要易用，我幫他在網上找找找找找，找到牌子C相機，性價比操控影象質素等等都已經幫他想好了，告訴他去哪裡買仲可以做24個月分期，他另一個電話就打來，問我牌子S的相機好似好好．．．
我即刻就話：「無問題呀，買啦，那部係好野來架，祝你使用愉快，影多D靚相！」
我真係一肚子氣，所以我的朋友們，見字以後請不要問我買相機的意見，我會答你，唔識影相的話，買部你覺得價前抵買的，識影相的話，你根本不用問我。
Anyway，講到一肚火，大家睇睇呢部新出的Canon相機，這部EOS 1300D係入門級，$4000有找，如果你都覺得貴，請睇我們網站的另一篇文章，呢篇文唔適合你。
好，繼續。作為入門機，它加入了Wi-Fi/NFC連接功能，方便用家連接智能裝置作遙控拍攝及上載影像至社交網站，亦能配合一系列數碼單鏡反光相機的完善功能如光學觀景器、靈敏的自動對焦系統及EOS Movie全高清短片攝錄功能。它採用DIGIC 4+ 數碼影像處理器、92萬點3吋LCD螢幕，再加入「食物」場景模式，方便拍攝明亮及色彩豐富的食物影像，帶去旅行，好夠用，反正你去旅遊都係影下食左甚麼啦，是吧？另外，影像方面，它有1,800萬像素APS-C 尺吋 Canon CMOS 影像感應器，放上網，夠用有餘，想曬相曬出來亦無問題，如果，你真係要曬相的話．．．
如果，你真係有朋友問你應該買甚麼相機的話，要麼不答，要麼就Send這篇文給他們看吧！
作文：黃董
#唔識用相機唔好學人買 #手機影相好地地 #扮乜鬼野文青玩相機 #咪又係拿去影女
