冰封甲蟲

睇二手車分類廣告，最常見嘅形容離不開九成新、保養簇新、低里數，當然真身係咪對辦就另作別論。但同呢架 1974 落地嘅 Volkswagen Beetle 福士甲蟲比較，統統都相形見絀，因為佢同美國隊長或者急凍奇俠一樣被「凍齡」了!

話說呢架甲蟲係 1974 年 1 月 23 日係意大利熱那亞由一位名叫 Armando Sgroi 的老先生買入，Volkswagen Beetle 自此成為佢每個星期日用嚟去教堂嘅短途代步工具。但係隨著老先生健康轉差，就愈嚟愈少上教堂同駕駛此甲蟲。結果去到 1978 年，呢架 Beetle 只係行咗短短的 90 公里。「低里數」之餘，更難得嘅係佢「保養簇新」— 唔單止引擎內重有當時用剩的機油；輪胎同後備胎亦都係當日原廠出品，而最「屈機」嘅係連說明書同收據都重有 keep住!

呢架 1974 Volkswagen Beetle 將於 5 月 28 日於  Silverstone Auctions 主辦的《The Classic Race Aarhus Auction》拍賣會中亮相，揾番一頭好人家收留佢！預計成交價為 45,000 美元（約 350,000 港幣）。