狂獸現身日內瓦 Bugatti Chiron Sport

只睇相的話，你可能會話「又係呢架 Chiron，睇過好多次啦!」不過小編相信，其實都好少人知 Chiron 推出咗幾耐，係呀! 呢個款在 2016 年已經推出，限量生產 500 架呀! 不過今次再講嘅 Chiron，並唔係之前嗰 500 架，而係最新車款至於新咗邊度，你未必睇到，可以要玩 photo hunt 咁兩張相對住睇至得。其實今次呢款 Chiron Sport 係 Bugatti 最新車款，在日內瓦車展首展，雖然未有馬力數字公布，但估計唔會少過原來的 1,500ps，新車偷輕咗 18kg、換咗硬避震及新嘅 Torque Vectoring，仲話 Nardò 試車場表現比舊款快咗 5 秒。重點係仲有得賣，而且今年年尾有貨交，每輛 265 萬歐元起。