蝙蝠車出戰 Gumball 3000

5 May, 2016 By vincentcheung@scmedia.com.hk

《CarPlus》當然反對非法賽車,不過嚟緊舉行,被稱為「世界最瘋狂非法拉力賽」的 Gumball 3000,就有一位「參賽車」唔介紹唔得,佢就係 Batman 架「蝙蝠車」!!!

話說 Gumball 3000 一向雲集不同品牌,原裝或者改裝到七彩嘅超級跑車,不過點誇張都肯定唔夠今年即將出戰嘅呢架蝙蝠車可比。Caresto Arkham由由瑞典汽車製造及改裝公司  Caresto 根據全新蝙幅俠電子遊戲《Batman: Arkham Knight》中的蝙蝠車造型自家開發打造,負責項目的總工程師曾效力瑞典超跑品牌Koenigsegg 逾 15年。為咗忠於原著蝙蝠車嘅霸氣,Caresto Arkham相當「巨型」,軸距達 3.4米,車身闊 2.5米,輪胎尺寸達 26″。整個車身由碳纖維打造,配上一台來自Lamborghini Gallardo的 V10 引擎,可輸出 560 匹馬力,同時配備名廠Brembo之煞車系統,難怪Caresto負責人係測試短片中不斷強調呢架蝙蝠車絕對唔係一件「玩具」咁簡單。蝙蝠車內部打造亦唔簡單,除咗電動座椅、車門外,因為駕駛倉有唔少盲點,所以加入數個視象鏡頭及監察屏幕協助「睇位」,亦有齊恆溫及音響系統,等駕駛出戰 Gumball 3000嘅車手都有舒服好日子過。


Related POSTS