後備席不再 bench

16 Jul, 2018 By vincentcheung@scmedia.com.hk

今屆世界盃曲終人散……車迷對於今屆俄羅斯世界盃球場嘅後備席特別有親切感。因為有大部份球場後備席都用上汽車桶椅設計! 呢個設計又幾時開始㗎呢?

 

原來同 Recaro 真係有關係! 話說 90 年代,當時 Recaro 老闆亦係德國球會凱沙羅頓嘅董事局成員,因為球會領隊背部出現健康問題,便特別安排咗一張 Recaro 跑車桶椅係後備席俾呢位領隊專用。到咗 1994 年,係球員要求下 Recaro 為整個後備席提供座椅。與此同時,亦有德國球會陸續向 Recaro 要求贊助座椅,甚至真金白銀訂購! 時至今日,Recaro 向全球 70 多支頂級球隊提供後備席座椅,包括大家熟悉嘅皇家馬德里、多蒙特等!

 

而唔少 Recaro 嘅「行家」甚至飛機座椅生產商都紛紛踩入足球界。雖然今屆俄羅斯一眾進行世界盃賽事的球場後備席無獨有偶紛紛用上汽車座椅或桶椅,雖然唔係 Recaro,但最緊要都係班教練、球員坐得舒服! 雖然 “bench” 已經名存實亡唔再係得一張板凳!

 

一於睇下下一屆係卡塔爾搞嘅世界盃,會唔會更上一層,用 Recaro或者甚至用林寶、拉利跑車椅做後備席啦!




Related POSTS