係愛,同時亦都係責任

3 Aug, 2018 By mickeyloi@scmedia.com.hk


近排越黎越多人玩舊車,舊到可能連車主都未出世嘅古董車,睇住呢一團火,真係令小編都好想平平地整返部黎玩。但係諗深一層,買完之後嘅瑣碎事,可能要諗清諗楚先好下決定。

同而家部分年輕家庭一樣,拍拖結婚生仔加埋都只係一年嘅事,又或者所有野掉轉黎做,先生仔後結婚,未有足夠嘅溝通或者共識就一時衝動,倉猝開始人生另一頁。2016年離婚率創十年新低,但離婚原因大多都係了解同溝通問題,仲有就係未清楚自己嘅性格同背景而去計劃一條過於完美嘅路,希望日後行得通。其實呢一樣同玩車一樣,未有充分了解之前就去買一部可能連自己聽都未聽過嘅車,隨時買咗返黎之後得個整字,最大問題係車主可能連架車整咗啲乜都唔知。

切實啲去講,車可能都係身外物,但一個人點樣去保養架車,唔多唔少都可以睇得出佢會點對佢另一半,或者成個家庭。學劉德華講:「牌品好,自然人品好。」車品好,人品都唔會差得去邊…啩。結婚同玩車一樣,除咗係自己所愛,仲要諗清楚未來所需要負嘅責任。

Related POSTS