2 Apr, 2016 By [email protected]
最近有好多人排隊等落訂Tesla Model3，到底係乜事呢？其實這是一個耐性的遊戲，Tesla Model3要到明年才投產，即係話你要等超過一年才能收車，即係話你訂了車後，呢一年裡面你仲要玩住其他車先，不過，仲仍然有好多人排曬隊咁去落訂，呢D人，應該係老婆皇恩浩蕩地被批準落訂的：「老婆，落訂一皮野咋，成架車先27萬，較Model S的價格低近半，好抵架．．．」做男人，這些對白，你懂的。
其實，你只不過是想玩玩電動車，享受一下其內籠的高科技，而且又想試試不用6秒，就可以從0加速至60英里/小時的爽快，附帶一提，它充一次電，可續航215英里，這個是比較方便的。
點解咁多人要排隊訂 Model3？其實都係一個錢字作怪，在美國，當銷量達20萬輛後，當地7500美元至1.3萬美元的政府補貼就會結束，所以當地人，唔排隊買就笨，你係咪美國人先？
如果你係香港人，咁其實都要想一想，因為廠方會首先生產左軚版本，咁香港的右軚版幾時先有？大家都估差不多要到2018年底先有，正所謂，早買早享受，這是香港人的購物心態，我呢？咪落個訂先Lor，反正落訂的一萬蚊，尋晚飲酒都飲左去啦。
講開又講，約27萬港幣的價錢，應否稱它做平民版？講真，買車從來唔應該睇價錢，亦不應該看它平民不平民，我們要睇的，是其性能和玩味，這才是玩車之道，你要睇價錢才去選購一部車，那只是一部被老婆扭住耳仔買，又要平又要內籠夠大的家庭車，你是不會享受到駕駛樂趣的，這是我個人意見，因為本人真係買車唔睇價錢，只睇踏油門和扭方向盤的時候，由架車告訴我，我應不應該叫秘書幫我落訂，就係咁多。
假如，你錯過左佢地個發佈，起下面睇返啦：