講起Samsung，你會想起甚麼？相機？雪櫃？洗碗碟機？通通錯，係手機呀！Samsung Galaxy S7及S7 edge剛宣佈登場了，而它以改良的設計、高階相機技術及高效能軟件，務求．．．務求．．．話比你知又要換新機lor！炒唔炒得起？哈哈！你估佢係 —— 嗎？
咁今次有乜咁好玩呢？Galaxy S7及S7 edge首次引入專業級Dual Pixel（雙像素）感應器智能手機，話說，表現媲美數碼單反級別相機，對焦速度快速準確，即使低光下都能捕足高速移動物件，迅速地自動對焦，拍出清晰影像。Well，其實呢D Description，我寫咁多年，睇過無數次了，要拍出清晰影像，首要係你識得用部機，否則比部 —— 你，都無用。
說到鏡頭，它有500萬像素前置及1,200萬像素後置鏡頭，配備F1.7特大光圈，即係話，使在低光或黑暗的環境下，都可清晰地捕捉影像（前題是，你要識用電話影相，否則都係個句，比部 —— 你都無用）。後置鏡頭配備了光學防震（Optical Image Stabilization，OIS）系統，應該可以幫到你手。
另外，Galaxy S7及S7 edge同時支援多項優化攝錄功能，包括高達120度的廣角自拍模式（Wide Selfie）、慢動作、縮時及現場直播（Live Broadcast）錄影模式外，更破天荒引入動態全景（Motion Panorama）拍攝功能，當拍攝動態影像時，自動從中選取最清晰的相片畫格，無縫地拼接成全景相片，這個可以玩一玩，看看跟其他現有的 App有甚麼分別。
其他特點，我唔逐個字寫了，大家睇Point form啦！
雙卡雙待
內置快速充電功能
兼容WPC及PMA無線充電
兼容Gear 360
睇完個Spec之後，想唔想即刻買番部？唔想？想？唔想？定想呀？
＃咪又係新手機 ＃新手機速度一定快過舊一部 ＃睇定D ＃睇下新幾耐 ＃幾時出 Note7 ＃手機達人 ＃唔係我 ＃永遠買手機隔幾代 ＃唔記得寫價錢 ＃六千蚊樓下 ＃五千蚊樓上 ＃部部手機睇起上來都差不多
[embedyt]https://youtu.be/cyohHyQl-kc[/embedyt]