29 Feb, 2016 By [email protected]
向來覺得係男女關係入面，係眾多種「情趣」入面香港男士最缺乏的其中一項就係從來無/極少/甚少買性感內衣送俾另一半……睇完呢輯濱崎步著住 La Perla 內衣拍攝的相片，希望你 get 到內衣的重要性。
那管當年「步姐」濱崎步如何紅遍亞洲，我對佢都無乜特別感覺，即係唔覺得佢特別靚或者特別性感、又唔覺得佢 D 歌特別好聽……而家雖然「俾面」就叫佢一聲「步姐」，但其實佢聲勢大不如前已係鐵一般的事實，但最近佢同 La Perla 合作影咗一輯靚相，竟然令我對佢有 D「感覺」……
話說過去濱崎步曾多次在 MV 及演唱會中穿上 La Perla 作品，因此一拍即合打造一個慈善相展計劃「La Perla x Ayumi 7の性感‧感性」。步姐親身演繹 La Perla 多款標誌設計內衣展示獨特美態，拍下一系列共 7 張的「La Perla x Ayumi」照片，盡顯女性的感性與嬌媚。這輯照片稍後會作公開拍賣，所有收益將全數撥捐作慈善用途，目前這 7 張照片正於 La Perla 銅鑼灣旗艦店舉行預覽。如果你唔怕尷尬，可以入去觀賞一下，順便買番一套半套俾另一半 (請有心理準備動輒四位數字)，等佢都可重拾「性感‧感性」!!!