11 Jul, 2017 By vincentcheung@scmedia.com.hk
你睇下 d 相夠晒 sharp! 光位唔爆，暗位又有 detail……咪以為我介紹緊相機或者手機，讚緊嘅係 Volvo XC60 的內置鏡頭。
最近，Volvo 與著名攝影記者，普立茲獎得主 Barbara Davidson 合作搞咗個《XC60 Moments》攝影展，展出一批 Barbara 利用 XC60 內置鏡頭係街頭拍攝嘅黑白相。咪以為 Volvo 搵 Barbara Davidson 合作純粹因為佢出名，原來 Barbara 小時候曾經遇上嚴重車禍，當時乘坐嘅正係 Volvo 嘅汽車，亦係 Barbara 得以保住性命嘅原因。
至於 XC60 內置鏡頭能夠監察路面情況，並連接安全系統係出現危險狀況時作即時反應，而係 Barbara 展出嘅作品入面，就可以同時見到 XC60 嘅系統能夠準確辨識到迎面而來的汽車及途人嘅存在。
作為全球首個利用汽車作為拍攝工具嘅攝影作品展，《XC60 Moments》影展已於 7 月 4 日於英國倫敦揭幕，並將於 2017 年餘下時間巡迴世界展出，一於睇下有無機會係香港欣賞到呢批攝影作品啦!!!
