小朋友玩嘅野愈黎愈大舊

19 Aug, 2021 By mickeyloi@scmedia.com.hk

想當年,我細個個時玩啪啪…紙,玩車…仔,到下一代就玩GAMEBOY、NEOGEO POCKET,再下一代就玩iPhone。到左而家新一代,18歲都未夠就已經擁有自己嘅小型賽車,有自己一套賽車衫,個情況就好似而家D準父母咁,個仔都未出世就已經報定小學。另外有個朋友,佢個仔前年得12歲就已經係世界遙控車比賽冠軍,而佢本身係一位車房老闆,去年已經切好左一部MX-5比佢個仔,等佢大個之後可以揸。呢D真係這些機會不是屬於我的。

不過有時玩還玩,切勿因一時衝動亂咁飛車,之前都好多自己揸快車同第二架車撞埋一齊,自己就無咩點傷,人地就斷腳。特別新牌仔唔好覺得有車就好型,全香港有五十萬部車,你只係其中一部。良好駕駛態度先係有車之後第一步要學嘅事。

Related POSTS