飄移的士你坐過未?

位於日本福島二本松嘅惠比壽賽車場 (Ebisu Circuit) 係日本有「甩尾聖地」之稱，賽道除咗歡迎一眾飄移迷駕駛私家戰車去一試身手外，重有一項特別嘅「服務」，就係「飄移的士」!!!

話說場內有兩架分別由 Toyota Mark II同 Toyota Chaser 改裝而成嘅的士，只要付出 ¥25,500 (連保險，折合約 HK$1,800)，就可以坐住架的士「飄」足一個鐘。而每加多一位乘客就俾多 ¥500 ，三人同行 ¥26,500 就最抵玩，不過就要包剪揼決定邊個坐司機位隔離。不接受 walk-in，一定要趁早預約。