波子 356 是怎樣煉成的?

係 YouTube 耐唔耐都會有 D 新發現，好似小編最近就無意中發現咗一條回顧 Porsche 經典 356 跑車當年全人手製過程的紀錄片。當時 1950 年代波子旗下 356 每一部都係係品牌位於德國廠房由全人手製作。條片由頭到尾紀錄咗 356 由物料、儀表板組裝、上色、引擎調教、波箱、四輪定位以至路面測試嘅整個珍貴過程。雖然片長近 40 分鐘而且畫面質素一般，但都絕對值得一看！