基於環保及排氣規管問題，大汽缸容量引擎如V12已經無幾可會出現喺新車上面，不過回想以前大引擎嗰啲超好聽嘅聲音，真係只可以喺網上影片中先可以盡情回味。而有所不知，寶馬亦曾經喺80年代推出過一副極誇張嘅V16引擎。 1987年，廠方決定研發一副命名為「Goldfisch」嘅引擎，再將佢放入當年新款嘅E32 750iL，汽缸容量高達6,651cc，馬力上就只有408匹。雖然睇落唔就算大馬力，不過相比本身用緊嘅M70B50嘅5.0升V12引擎所輸出嘅295匹就有幾明顯嘅進步。由於引擎太大副，冷卻系統只可以放喺車尾位置。為咗要令冷卻效能更好，除咗車尾有一個開窿設計之外，兩邊尾沙板都有一個超大導風口，不過礙於實用性同成本過高，最終呢部「金魚」從未進入生產線。 不過講真，咁嘅樣揸車街，都真係有啲怪。