Integra Type-R重臨?

Civic Type R咁多年黎都相當受歡迎，就算到而家嘅FK8 Type R新車都有無數嘅捧場客，證明車價並不是問題。相反，同門師兄Integra自DC5之後一直未有消息重出江湖，令鍾情呢個車系嘅粉絲開始搜購DC2及DC5，連帶四門嘅DB8都齊齊升價。而近日就有位設計師整咗幾幅全新Integra Type R嘅構想圖，特別係內籠多咗浸科技感嘅味道。至於引擎方面由2.0升NA引擎，換上一副2.4L Earth Dreams i-VTEC DOHC NA四汽缸引擎，馬力達到280hp，不過一切都仲係一個概念，廠方有無機會重啟又係另一回事。