車壇快訊
30 Dec, 2020
全新柴油大驚喜 - KIA Sorento Diesel
2020年小編最後一試，就係Kia Sorento柴油版，搭載2.2升Diesel Turbo引擎，馬力達202ps，睇落好似唔太大力，但一睇扭力有高達45.0kg/m，就知道絕非等閒之輩。加上採用8前速雙離合自動波波箱同埋四輪驅動，整體加速感相當澎湃。 修長嘅車身，1.9米嘅身高，垂直尾燈設計，Sorento全新嘅外型都絕對比上一代更有霸氣。車廂方面採用兩個分別係12.3吋司機屏幕儀錶板及中控台10.25吋輕觸式顯示屏，加上BOSE音響系統，成程車都聽住BLACKPAIN震撼嘅音樂，為旅程增添另一種享受。 最值得一提嘅就係車道保持輔助系統（LFA），可根據前方車輛控制加速，煞車同轉向功能，除咗可以監視道路標記令Sorento保持喺行車線內，仲可以幫助駕駛者轉彎，絕對可以提升駕駛安全。 Sorento分別有基本前驅版同四驅頂級版，價錢分別為$288,000同$328,000。