三星大貨車?

講起三星，大家都會剩係諗起手提電話、吸塵機、Tablet等等，但其實作為韓國巨頭，佢地都曾經推出過大貨車。九十年代韓國經濟相當好，當時候啲人想買咩就買咩，所以連三星都想一齊玩埋一份去造車。1990年三星同Nissan Diesel Motor簽約，為佢地提供柴油引擎，最終喺1994年推出第一部SM510同Samsung MAN 22.5T垃圾車。搭載一副命為RF8，馬力達340匹嘅引擎，成為當時南韓最受歡迎嘅產品之一。兩年之後再推出18.5噸大貨車，命為SM530，並將馬力提升至360匹，成為1996年最受歡迎產品。見個勢好，就即刻出埋一噸小型貨車，點知惡夢就開始嚟料。

無論價錢、引擎、避震同車架，都令呢部SV110小型貨車唔受歡迎，亦被當時嘅對手 – Kia Bongo 同 Hyundai Porter完勝，最終三星造車夢只係維持咗6年就破產收場。截至2017年，南韓依然有大約2,000部三星貨車喺當地行駛同工作，就算唔多睇好嘅SV110都變成某部分南韓人士嘅愛車之一。