JAGUAR XKSS「投胎」了

24 Mar, 2016 By vincentcheung@scmedia.com.hk


積架有唔少經典,不過當中最威水嘅一部絕對要數被譽為「世界第一部超跑」嘅 XKSS。點解叫「超跑始祖」? 因為當年 Jaguar 的 D-type 落場版跑車有 25 部賣唔去,車廠把心一橫,將佢地改少少變成一架街車出售。最後賣出 16 架,當中絕大部份賣到美國。無幾耐之後,位於 Coventry 的 Browns Lane 總廠經歷一場大火,消毀了餘下的 9 架 XKSS,宣告 XKSS正式「到此為止」。
講番個批越洋被賣去美國的 XKSS,其中一架的賣家叫 Steve McQueen。無錯! 就係當時的「男神」史提夫‧麥昆。出名鍾意賽車、玩車嘅佢用咗 $5,000 美元買入 XKSS,重幫自己的座駕改咗個花名 “Green Rat”。 $5,000 美元係當年絕對唔係細數目,但今日呢架「昆哥」曾擁有過的 XKSS 估價約值 3,000 萬美元!!!!
至於點解要介紹番 XKSS,因為 (進入鬼故 mode) 積架準備讓個 9 架葬身火海嘅 XKSS 重新「投胎」……話說 Jaguar 將設立一個專門招呼一班品牌的 VIP 同收藏家的部門,頭炮就係復刻 XKSS,將跟足當年呢個經典跑車的規格製造,力求絕對原汁原味,限量 9 架,預料售價約為一百萬英鎊,將於 2017 年首季面世,應該會爭崩頭!

Related POSTS