3個要學黎明的理由

29 Apr, 2016 By jonwong@email.scmedia.com.hk





對於黎明Leon的印象,我們只會想想現在他的Fans個個都是大嬸了吧...

然而,在2016年,黎明成為網絡紅人,他年初開設Facebook專頁,短短數個月粉絲人數已超過16萬。近期他頻頻曝光,舉辦出道30周年演唱會,每次在社交平台出post都至少有10萬以上瀏覽量,確實人氣爆燈。

雖然他強調「鍾意就鍾意,唔鍾意就唔鍾意,唔好講咩L.I.K.E」,但like他的人愈來愈多。究竟什麼原因令大家重新愛上黎明呢?我地又能否向他學習一下呢?
一、挑戰新事物
生於1966年黎明,今年12月生日就滿50歲,在娛樂圈來說不算年老,但貴為A Music老闆,又不是事業走下坡的奀星,有必要拋個身出來嗎?
他首先開設Facebook專頁,頻頻post文;又舉辦4D演唱會。大家要知道,不少昔日當紅歌手「復出」開演唱會,通常不是紅館就是博覽館。Leon是首位在中環新海濱開concert的歌手,而且這不只是演唱會咁簡單,更是一個嘉年華,下午6點開始入場,攤位有得玩又可以飲飮食食。夜晚concert更大玩4D裝置,的確係搞搞新意思!

二、非常親民
某些藝人開設Facebook專頁,只是由助手貼文,記錄自己出席過那些活動。而Leon是自己拍片上載,將部分個人生活公開。而且大頭照亦不是靚仔相,他不介意醜化自己,用繪畫形式變成誇張模樣,更自我塑造成「明福俠」,網民亦好受落。演唱會前夕,他更在自己嘅平台給予dancer機會作自我介紹,提攜幕後工作人員。

三、絕對貼地
現在玩Facebook流行Live chat,Leon立即嘗試,更有chat後檢討。又緊貼潮流,知道全城熱播《太陽的後裔》,趁10年好友宋慧喬來港聚會時,即時拍片力撐她,給網民驚喜!又在Facebook玩遊戲送禮物,極受歡迎。

他一直不介意大眾為他取名「金句王」,更乘勢在演唱會推出金句貼紙和手機殼,將個人嘜頭漫畫化,繼續呃like。所以他這個網路紅人絕對並非浪得虛名!

呀呀,剛剛醒起,重有一個,就係勇於認錯,開唔到演唱會,佢會自己走出來跟大家解釋返,原來用左個國貨帳篷,呢D咪Guts lor!

Leon,你好野!

改編自 www.jessicahk.com (原文:http://goo.gl/QUrgbv ; Text by Joey Chen)

Related POSTS